Ég er búin að vera fylgjast með körfuboltanum í allan vetur þar sem Álftanes komst upp í Subway deildina. Hins vegar er búið að vera extra gaman að fylgjast með honum í apríl þar sem Álftanes var búið að vera spila við Keflavík í úrslitakeppninni þar sem lið þarf að vinna 3 leiki til að komast áfram í 4.liða úrslit. Keflavík endaði á að vinna 3-1.

Veðrið byrjaði sjúklegaaaa næs, kólnaði svo aftur en hlýnaði svo aftur alveg í lok mánaðar og við skulum bara vona að vorið sé endanlega alveg komið núna. En þegar veðrið er svona næs reynum við að skella okkur í fótbolta.

Hápunktur apríl var svo þegar Sara og Kjartan komu til okkar í langa helgi frá fim-sun. Fyrstu nóttina gistu þau bæði hjá okkur en seinni 2 var Kjartan eins og konungur í ríki sínu í stofunni hjá okkur þar sem Sara var á Hóteli með Emil kærastanum sínum sem er í lýðháskóla hér í Danmörku.

Svoo gaman að hafa þau hjá okkur en það voru bara algjör rólegheit þessa helgi! Vorum mikið bara að chilla í bænum en reyndar tókum við Daníel og Kjartan frekar hressilegt laugardagskvöld sem var mjög skemmtilegt.

Um laugardaginn sjálfan fórum við í Tívolíið sem er hér í Árósum en við höfum aldrei farið í það. Við vorum ótrúlega heppin með veður en það voru 16°og sól inn á milli. Ég, Sara og Emil fórum í tækin en Elísabet, Daníel og Kjartan voru eins og foreldrar okkar horfðu á. Elísabet var eins og alvöru tívolí mamma og passaði alltaf dótið okkar.

Á laugardagskvöldið fóru Sara og Emil út að borða en ég og bræðurnir borðuðum heima. Svo áttum við pantaða pílu á Skor og við hefðum viljað vera lengur en það er bara orðið svo uppbókað alltaf allt þarna. Við fórum því inn á LA tequila bar (sumir muna kannski eftir fötunni og öndinni frá því í fyrra) þar sem að Sara og Emil eru ekki orðin 20 ára og það er oftast aldurstakmark um helgar inn á flesta staði. Þar voru keyptar nokkrar fötur og nokkur skot en því miður voru engar gúmmíendur í þessum fötum sem Daníel gat stolið.

Allt í allt frábær helgi en það er alltaf jafn gaman að fá litlu systkinin okkar í heimsókn.

Annars var apríl næs! Ég og Írena byrjuðum að hlaupa saman og það kemur mér skemmtilega á óvart hvað það er gaman að hlaupa með einhverjum. Svo erum við mikið búin að vera njóta með Elísabetu því hún er að fara flytja til Köben í maí :(

Takk og bless